Qyrkúıek aıynda elimizdiń barlyq óńirinde jańa teatr maýsymy shymyldyǵyn túrmek. Bul – tek ónersúıer qaýym úshin ǵana emes, jalpy mádenıet salasy úshin mańyzdy kezeń. О́ıtkeni teatr – halyqtyń rýhanı deńgeıiniń aınasy, qoǵamnyń oıy men talǵamynyń kórinisi, dep habarlaıdy Egemen.kz.
Ulttyq statıstıka bıýrosynyń deregine súıensek, qazir elimizde 74 teatr jumys isteıdi. Olardyń basym bóligi – 79,7%-y memleket menshiginde. Teatr alańdarynyń sany boıynsha Almaty kósh bastap tur: qalada 22 teatr bar. Astanada – 10, Shymkentte – 6 teatr kórermenderge qyzmet kórsetedi.
Elimizdegi teatrlardyń negizgi bóligi – drama sahnalary. Qazir elimizde 40 drama teatry jumys isteıdi. Budan bólek, 11 qýyrshaq teatry, 4 mýzykalyq, 4 opera jáne balet teatry, sondaı-aq ózge janrdaǵy sahna alańdary kórermenge óner usynyp keledi. Bul teatr óneriniń jan-jaqty damyp jatqanyn kórsetedi.
2024 jyly elimizde teatr qoıylymdaryn tamashalaǵan kórermender sany 3 mıllıon adamǵa jetken. Bul – 2023 jylmen salystyrǵanda 3%-ǵa kóp. Bir jyl ishinde sahnada 2 553 qoıylym qoıylyp, olardyń sany bir jyl burynǵydan 14%-ǵa artqan.
Aldaǵy maýsymda teatr sahnalarynda jańa premeralar kóp bolady dep josparlanyp otyr. Drama teatrlary klassıkalyq qoıylymdarmen qatar zamanaýı pesalardy sahnalaýǵa den qoısa, opera jáne balet teatrlary halyqaralyq deńgeıdegi spektaklder ázirleýde. Qýyrshaq teatrlary bolsa, balalar men jasóspirimderge arnalǵan jańa qoıylymdaryn usynbaq.