«Qazgıdromet» RMK baspasóz qyzmeti Qazaqstan boıynsha 2025 jylǵy 30 tamyz – 1 qyrkúıek aralyǵyna arnalǵan aýa raıy boljamyn usyndy, dep habarlaıdy Egemen.kz.
«Jyly kúnderden keıin Qazaqstan aýmaǵyna batys antısıklon yǵysa bastaıdy. Sýyq aýa massalarymen tolyǵyp, ol elimizdiń basym bóliginde temperatýranyń aıtarlyqtaı tómendeýine ákeledi. Soltústik pen shyǵys óńirlerde kúndizgi ýaqytta aýa temperatýrasy +12…+17 gradýsqa deıin tómendeıdi. Tipti ońtústik aımaqtarda da ystyqtyń báseńdeýi +23…+28 gradýsqa deıin kútiledi», delingen habarlamada.
Al batys óńirler ǵana Iran aýmaqtarynan keletin jyly aýa massasynyń yqpalynda bolady. Bul aımaqtarda aýa temperatýrasy birtindep kóterilip, qatty ystyqqa – +32…+37 gradýsqa deıin jetedi dep boljanyp jatyr.