Fransııanyń Od departamentinde sońǵy ondaǵan jyldaǵy eń aýqymdy orman órti aýyzdyqtaldy, dep habarlaıdy Egemen.kz.
Aımaqtyq prefektýranyń resmı málimdemesine sáıkes, qyzyl jalyn sharpyǵan aýmaqtyń kólemi 17 myń gektarǵa jetken. О́rt sóndirýshiler men qutqarý qyzmetteriniń úılesimdi eńbeginiń arqasynda órtengen aýmaq tolyǵymen baqylaýǵa alynyp, órt tolyq sóndirilgen.Aıta keteıik, tilsiz jaý 5 tamyzda bastalyp, aptap ystyq, qatty jel men tómen ylǵaldylyqtyń áserinen jyldam taraǵan. Le Parisien dereginshe, oqıǵa saldarynan bir qart áıel qaza taýyp, taǵy toǵyz adam jaraqat alǵan.Fransııanyń ishki ister mınıstri Brıýno Retaıo bul apatty 1949 jyldan bergi eń iri órt dep atady. Al Monpele prokýrory Krıstof Barre júrgizilgen saraptama nátıjeleri órttiń ádeıi uıymdastyrylǵan bolýy yqtımaldyǵyn joqqa shyǵarmaıtynyn jetkizdi.