Prezıdent Qasym-Jomart Toqaev Qytaıdyń China Daily basylymynda jarııalanǵan maqalasynda Qazaqstan ekonomıkasyna tartylǵan qytaılyq ınvestısııalar týraly aıtty, dep jazady Egemen.kz.
«2005 jyldan beri qytaılyq kásiporyndar Qazaqstanǵa 27 mıllıard dollardan astam ınvestısııa quıdy. Búgingi tańda qytaı kapıtaly bar alty myńǵa jýyq kompanııa jumys isteıdi», – dedi Memleket basshysy.
Prezıdenttiń aıtýynsha, bul kompanııalar Qazaqstannyń tehnologııalyq turǵydan damýyna yqpal etip, ónerkásipti jańǵyrtý isinde mańyzdy ról atqaryp keledi. «Olar elimizdiń tehnologııalyq turǵydan damýyna serpin berip, ındýstrııany jańǵyrtýǵa úles qosyp otyr», – dep atap ótti Toqaev.
Sonymen birge Memleket basshysy qytaılyq kompanııalardyń energetıka, kólik-logıstıka jáne aýyl sharýashylyǵy salalaryndaǵy jobalary eki eldiń ekonomıkalyq baılanysyn tereńdetip otyrǵanyn jetkizdi.
«Qazaqstan úshin mundaı seriktestik jańa jumys oryndaryn ashýǵa jáne ekonomıkany ártaraptandyrýǵa jol ashady. Biz muny bolashaqta da jalǵastyramyz», – dedi Prezıdent.