Almaty oblysynyń Bilim basqarmasy basshysynyń orynbasary Aqmaral Átenbekova óńirdegi bilim salasynyń qazirgi jaı-kúıi, jańa oqý jylyna daıyndyq, áleýmettik ınfraqurylym jáne eń ózekti máseleler jaıynda pikir bildirdi, dep jazady Egemen.kz.
Almaty oblysynda jańa oqý jylyna daıyndyq kezeńi aıaqtaldy.
«1 qyrkúıekte óńir mektepterinde 362 myńnan astam oqýshy oqýǵa keledi, onyń ishinde 135 myńnan astamy – birinshi synyp oqýshylary» – dedi Átenbekova.
Ol óńirde pedagogıkalyq sheberlik pen bilim sapasyn arttyrýdyń negizgi mindet ekenin atap ótti.
Bilim basqarmasyndaǵy taǵy bir mańyzdy baǵyt – ınklıýzıvti bilim júıesin damytý. Ár balaǵa teń múmkindikter berý – basty talap. Sońǵy málimetter boıynsha, oblys ortalyǵynda ınklıýzıvti bilimmen qamtý deńgeıi 75%-ǵa jetti, al balabaqshalarǵa qabyldaý kórsetkishi – 99%.
Sondaı-aq, Aqmaral Átenbekova mektepter men balabaqshalardyń materıaldyq-tehnıkalyq bazasyn nyǵaıtýǵa erekshe nazar aýdarylǵanyn jetkizdi.
«Aqparattyq tehnologııalar, sıfrlyq daǵdylar, robototehnıka – qazirgi zaman talabyna saı pánder. Bul baǵytta pedagogıkalyq konferensııalar, master-klasstar, pılottyq jobalar júzege asyrylýda» – dedi ol.
Bilim ınfraqurylymyna qatysty ótkir másele de bar.
«Qonaev qalasyndaǵy jańa balabaqsha men balalar úıi qurylysy qarqyndy júrip jatyr. Bul – óńirdegi áleýmettik qoldaý ınfraqurylymynyń damýyna naqty úles. Eski nysan 1963 jyly salynǵan, apatty ǵımarattar esebinde tur. Onyń ornyna salynyp jatqan zamanaýı nysan balalardyń qaýipsizdigin alǵashqy orynǵa qoıady» dep túsindire aıtty Átenbekova.