Tarazda mektep oqýshysy pyshaq jaraqatynan qaza tapty, dep habarlaıdy Egemen.kz.
Qaıǵyly jaǵdaı shahardaǵy shaǵynaýdandardyń birinde bolǵan. Áleýmettik jeli qoldanýshylarynyń aıtýynsha, kámeletke tolmaǵan balalardyń arasynda janjal bolyp, olardyń biri sýyq qarýdy oqýshynyń keýde tusyna suǵyp jibergen. Jedel járdem kelgenshe jasóspirim oqıǵa ornynda jan tapsyrdy. Bilim basqarmasy atalǵan oqıǵa oqý prosesinen tys ýaqytta bolǵanyn málimdedi. Tóbelestiń neden shyqqany ázirge belgisiz. Qazir oblystyq Polısııa departamenti qylmystyq is qozǵap, tergeý júrgizip jatyr.
«Atalǵan derekke qatysty QR QK-niń 99-baby «Adam óltirý» boıynsha qylmystyq is qozǵaldy. Jedel-izdestirý is-sharalary nátıjesinde kámeletke tolmaǵan kúdikti «izin sýytpaı» ustalyp, ýaqytsha ustaý ızolıatoryna qamaýǵa alyndy. Qazirgi ýaqytta oqıǵanyń mán-jaıyn anyqtaýǵa baǵyttalǵan keshendi jedel-tergeý is-sharalary júrgizilýde.Tergeý múddesine oraı, ózge aqparat jarııalanbaıdy», – dedi Jambyl oblystyq Polısııa departamentiniń baspasóz hatshysy Gúlsara Muqtarqulova.