Májilistiń alǵashqy plenarlyq otyrysynda «Aq jol» partııasynan jańa depýtat tirkeldi, dep habarlaıdy Egemen.kz.
Májilis tóraǵasy Erlan Qoshanov áriptesi Erjan Beısenbaevtyń depýtattyq ókilettigi toqtaǵanyn málimdedi. Ol «Aq jol» partııasynyń sheshimimen qyzmetinen ketti. Spıker onyń eńbegine rızashylyǵyn bildirip, depýtattyq jumysy úshin alǵys aıtty.
Onyń ornyna Ortalyq saılaý komıssııasynyń qaýlysymen «Aq jol» demokratııalyq partııasynan Oljas Nuraldınov depýtat bolyp tirkeldi. Erlan Qoshanov onyń resmı túrde Májilis quramyna qabyldanǵanyn atap ótti.
Jańa depýtat alǵashqy otyrysta elge adal qyzmet etýge, memlekettiń táýelsizdigi men tutastyǵyn nyǵaıtýǵa, Konstıtýsııa men zańdardy qatań saqtaýǵa jáne depýtattyq mindetterin adal oryndaýǵa ant berdi.