Elimizde elektrosamokat júrgizýshilerine qatysty jańa erejeler engizilmek. Bul týraly Ishki ister mınıstri Erjan Sádenov habarlady, dep jazady Egemen.kz.
Onyń aıtýynsha, polıseıler samokat júrgizýshileriniń jyldamdyqty asyrýyn tek jańa zań qabyldanǵannan keıin ǵana tirkeı alady.
Mınıstrdiń sózinshe, 2023 jyly qabyldanǵan zańǵa sáıkes, elektrosamokattar kólik quraly retinde tanylǵan. Qoldanystaǵy norma boıynsha, samokatpen júrýdiń ruqsat etilgen jyldamdyǵy 6 km/saǵ.
Alaıda, qoǵamda ınfraqurylymǵa qatysty suraqtar kóp.
«Samokattarǵa qatysty barlyq normalar qabyldandy. Biraq eń úlken másele – ınfraqurylymnyń jetispeýshiligi. Qazir elimizde nebári 500 shaqyrymdaı ǵana velojol bar», dedi Erjan Sádenov.
Jańa zań qabyldansa, erejeni buzǵan samokat júrgizýshilerine aıyppul salý qarastyrylmaq.