Almatyda ótip jatqan ústel tennısinen WTT Contender Almaty halyqaralyq týrnırinde alǵashqy jarys kúni máresine jetti. Qatysýshylar jekeleı synnyń irikteý kezeńinde baqtaryn synady, dep habarlaıdy Egemen.kz.
Qazaqstan quramasynan úshinshi kezeńge tek úsh sportshy joldama aldy. Olar – almatylyq Abdýlla Mamaı, qaraǵandylyq Vladıslav Zaharov jáne Jambyl oblysynyń ókili Eskendir Harkı.
Otandyq tennısshiler 3 qyrkúıekte negizgi jarys kestesine shyǵý úshin jarysty jalǵastyrady. Qazaqstandyq sportshylardyń qarsylastary da belgili boldy:
Abdýlla Mamaı – Florıan Býrrasso (Fransııa); Vladıslav Zaharov – Iýan Lısen (Qytaı); Eskendir Harkı – Lev Kasman (Reseı)Aıta keteıik, bul jarysqa álemniń jetekshi tennısshileri qatysyp, Qazaqstan sportshylaryna tájirıbe jınaqtap, halyqaralyq deńgeıde óner kórsetýge múmkindik beredi.