Qytaı astanasy Beıjińde birinshi ulttyq ǵylymdy tanymal etý aıynyń shymyldyǵy túrildi. Endi bul bastama jyl saıyn qyrkúıek aıynda dástúrli túrde ótkizilmek. Joba qoǵamnyń sapaly ǵylymı bilimge degen suranysyn qanaǵattandyrýǵa baǵyttalǵan, dep habarlaıdy Egemen.kz China Daily-ge silteme jasap.
Ǵylym aıy «Ǵylym ómirdi túrlendiredi, ınnovasııalar bolashaqty qamtamasyz etedi» degen uranmen ótýde. Shara aıasynda 100-den astam taqyryptyq kórme men arnaıy is-shara uıymdastyrylmaq. Basty maqsat qoǵamda ǵylymnyń mańyzyn tereń túsinýdi qalyptastyrý.
Basty ashylý rásimi Pekın ǵylym jáne tehnologııalar murajaıynda, sondaı-aq Ulttyq ǵylymı kommýnıkasııa ortalyǵynda ótken. Qonaqtar túrli ekspozısııalarmen tanysyp qana qoımaı, ınteraktıvti sabaqtarǵa qatysyp, ǵalymdar men eriktilermen erkin áńgimelesý múmkindigine ıe boldy.
Aıta keteıik, QHR-nyń jańartylǵan «Ǵylym men tehnologııany tanymal etý týraly» zańyna sáıkes, qyrkúıek resmı túrde Ǵylymdy tanymal etý aıy bolyp bekitildi. Qujat árbir azamattyń mundaı is-sharalarǵa qatysý quqyǵyn zańdy túrde qamtamasyz etedi.