Qazaqstanda 4-synyptan bastap oqýshylarǵa birneshe shet tilin meńgerý múmkindigi beriledi, dep jazady Egemen.kz.
Bul bastama balalardyń tildik daǵdylaryn erte qalyptastyryp, olardyń bolashaqtaǵy bilim alý jáne kásibı jolynda qosymsha artyqshylyqqa ıe bolýyna jol ashady.
Jańartylǵan úlgilik oqý baǵdarlamasyna sáıkes, bastaýysh mekteptiń joǵary synyptarynda (3–4-synyp) aǵylshyn tili mindetti pán retinde oqytylady. Al 4-synyptan bastap qosymsha shet tili retinde fransýz nemese nemis tilin tańdaýǵa múmkindik bar.
Bul pánder aptasyna 2 saǵattan júrgizilip, oqýshynyń tildik kókjıegin keńeıtýge baǵyttalǵan.
Mamandardyń pikirinshe, erte jastan birneshe tildi qatar meńgerý balanyń oılaý qabiletin damytyp qana qoımaı, álemdik mádenıetterdi tanýǵa, ózge elderdegi zamandastarymen erkin tildesýge múmkindik beredi.