Búginde dúnıedegi muqym qazaq pen qazaqstandyqtar tarıh paraǵyna altyn árippen jazylǵan eń aıtýly kúnderin basynan ótkizýde. Álemde terrıtorııalyq jaǵynan toǵyzynshy oryn alatyn Qazaq eli besinshi márte Prezıdentimizdi saılap, taǵyna otyrǵyzdyq. Tabıǵat pen adam egiz ǵoı. Saılaý kúni de, ulyqtaý kúni de aýa raıy jadyrap, eldiń sánin keltirip, qýanysh syılady. Osylaı halyq óziniń júrek qalaýyndaǵy Prezıdentin tańdady. Men bolsa da egemen elimizdiń búgingi bıigine jetýine jarǵaq qulaǵy jastyqqa tımeı, kún-tún demeı elimizdi basqaryp otyrǵan uly azamatymyz – Nursultan Ábishulyna daýysymdy berdim. Aıtqan bolar edim, Nazarbaev – Táýelsiz memleketimizdiń patrıarhy. О́ıtkeni, osy kisi bizdiń respýblıkany qalyptastyryp, óristi jolǵa siltep otyrdy. Men bir kezde: «Zamandastar, kókjıekke kózdi salaıyq, Nurekeńniń bastaýymen Máńgilik Qazaq eline retti, izetti jolmen jeteıik» dep aıtyp edim.
Bile bilsek, búginde tek kóshbasshymyzdyń arqasynda tynyshtyqta, beıbit ómir súrip otyrmyz. Bul kisi alysty kózdeıtin, alysty boljaı alatyn úlken memleket qaıratkeri, ári biregeıi. Aıtqan bolar edim, búgingi kúni Nurekeńniń bedeli dúnıejúzine belgili. Qazir álemde 200-deı memleket bolsa, sonyń ishindegi kóriktisi de, qazynasy baı da Qazaqstan Respýblıkasy. Mine, Siz osyndaı eldi aralap kórdińiz be? Men kórdim. О́zim jyl saıyn keń-baıtaq Qazaqstanymdy kólikpen bir aralap ótemin. Meniń qýanatynym, árbir qalaǵa, aýdanǵa barsań kóretiniń qurylys krandary. Qurylys krandary boldy degen sóz, ol eldi mekende mektep, aýrýhana, mádenıet ortalyǵy salynyp jatyr degen sóz. Sondyqtan qaı kezde bolsa da, qaıda júrsek te ózimizdiń kóshbasshymyzdyń saıasatyn ár ýaqytta qoldap, ony baıandy etýge, Elbasynyń qabyldaǵan bes ınstıtýttyq reformasyn, 100 qadamyn oryndaýǵa kúsh-jigerimizdi salaıyq dep halyqqa úndeý tastaǵym keledi. Bul oıymdy halyq qoldaıdy dep senemin. Olaı bolsa, toqsanǵa taıanǵan jasymda Elbasyna aman bolyp, densaýlyǵy myqty, eline qalqan bola berse eken degen batamdy beremin.
Sultan SARTAEV, akademık.
ALMATY.
Sýretti túsirgen Aıtjan MURZANOV.