Búgin saǵat 19:00-de «Astana Arena» stadıonynda fýtboldan 2026 jylǵy álem chempıonatynyń irikteý kezeńi aıasynda Qazaqstan men Ýels quramalary kezdesedi, dep habarlaıdy Egemen.kz.
Qala ákimdiginiń habarlaýynsha, oıyn barysynda qonaqtardyń qolaılylyǵy men qaýipsizdigin qamtamasyz etý maqsatynda stadıon mańyndaǵy kólik qozǵalysyna ýaqytsha shekteý engiziledi. Atap aıtqanda, qozǵalys «Alaý» saraıy men «Saryarqa» velotregi jaǵynan shekteledi.
Jol qozǵalysyna qoıylatyn shekteýler match bastalardan birneshe saǵat buryn kúshine enip, oıyn aıaqtalǵanǵa deıin jalǵasady. Osyǵan baılanysty júrgizýshilerge óz baǵyttaryn aldyn ala josparlap, yqtımal kidiristerdi eskergen jón.