Elimizde óndiris kólemi 6,9%-ǵa artqan. Bul rette negizgi kórsetkishti 6,1%-ǵa ósken óńdeý salasy qamtyǵan, dep jazady Egemen.kz.
О́sý draıveri mashına jasaý salasynda 14% jetken. Oń dınamıkalar metallýrgııada (+1,3%), hımııa ónerkásibinde (+6%) jáne qurylys materıaldary óndirisinde (+4,7%) tirkelgen.
Sondaı-aq, iri kásiporyndarmen uzaqmerzimdi kelisimsharttar men ofteık-kelisimsharttar kólemi 2 esege ósip, 147 mlrd teńgeden asqan. 16 arnaıy ekonomıkalyq jáne 55 ındýstrııalyq aımaq túrindegi ınfraqurylym belsendi damyp keledi.
«Arnaıy ekonomıkalyq jáne ındýstrııaldy aımaqtar – jańa óndiristerdi júzege asyrýdyń negizgi quraldarynyń biri. Aımaqtar qajetti ınfraqurylymmen qamtamasyz etilgen jáne jobalardy júzege asyrý úshin bızneske tabystalady. О́ńdeý ónerkásibindegi jańa bastamalardy qoldaý úshin shaǵyn ónerkásiptik aımaqtar qurý quraly iske qosyldy, onda daıyn ónerkásiptik alańdar jeńildikti baǵamen jalǵa beriledi. Mundaı aımaqtar 8 óńirde salynyp jatyr, 90-ǵa jýyq jobany iske qosyp, 3 myńnan astam jumys ornyn ashý josparlanǵan», dedi ónerkásip jáne qurylys vıse-mınıstri Oljas Saparbekov.
Bıyl óńdeý ónerkásibinde shamamen 1,5 trln teńgeni quraıtyn 190 jobany júzege asyrý kózdelgen. Bul 23 myń turaqty jumys ornyn ashýǵa múmkindik beredi.