Elimizde altyn baǵasy jańa rekord ornatty. Ulttyq bank dereginshe, 1 gramm altynnyń quny 61,4 myń teńgege jetti, dep jazady Egemen.kz.
Birinshi nesıe bıýrosynyń málimeti boıynsha, baǵaly metall jyl basynan beri shamamen 37%-ǵa qymbattaǵan.
Sarapshylardyń aıtýynsha, naqty ósim ınflıasııany eskergende tórtten birine teń. Bul jerde dollar baǵamynyń yqpaly az, sebebi jyl basymen salystyrǵanda ol nebári birneshe paıyzǵa ǵana ósken.
Álemdik naryqta da altyn baǵasy tarıhı rekord jańartyp otyr. Munyń basty sebebi jahandyq turaqsyzdyq. Investorlar belgisizdik jaǵdaıynda altyndy eń senimdi qaýipsiz aktıv dep sanap, oǵan kóbirek qarjy quıa bastady.
Sonymen qatar AQSh-taǵy paıyzdyq mólsherlemeniń tómendeýi men dollardyń álsireýi de altyn baǵasynyń ósýine áser etip otyr.