Aqtóbede Qarakesek laqap atymen belgili ánshi Omar Amantaev ustaldy, dep habarlaıdy Egemen.kz.
Aqtóbe qalasynda júrgizilgen jedel is-sharalar barysynda 31 jastaǵy rep-oryndaýshy esirtkilik masań kúıinde kólik júrgizip otyrǵan jerinen ustaldy.
Tintý kezinde odan untaq tárizdi zat salynǵan zıp-paket tabylyp, tárkilendi. Saraptama qorytyndysy onyń sıntetıkalyq esirtki zaty ekenin anyqtady. Medısınalyq kýálandyrý nátıjeleri de onyń kólikti esirtkilik masań kúıde basqarǵanyn rastady.
Atalǵan derek boıynsha qylmystyq is qozǵaldy. Sonymen qatar, sot sheshimimen quqyq buzýshy 15 táýlikke ákimshilik qamaqqa alynyp, 7 jyl merzimge kólik júrgizý quqyǵynan aıyryldy.
Ulysmedıa derekkózi áńgime ánshi Qarakesek jaıly bolyp otyrǵanyn rastady.