Pnevmatıkalyq poshta degendi estýińiz bar ma?
Hattar shaǵyn kapsýlaǵa salynyp, arnaıy jerasty qubyrlary arqyly qysylǵan aýanyń kúshimen ekinshi núktege zýlap jetetin. Qaladaǵy poshta beketteri bir-birimen osylaı baılanysyp, jyldam hat-habar almasyp otyrǵan. XIX ǵasyrdyń ortasynan bastap Eýropa men Amerıkadaǵy iri qalalar osy tásildi keńinen qoldandy. Alaıda jańa tehnologııalar damyǵan saıyn pnevmoposhtanyń dáýreni de aıaqtaldy. Sońǵy jumys istegen júıe Chehııa astanasy Pragada boldy. Alaıda 2002 jylǵy sý tasqynynan keıin mundaǵy qyzmet te birjola toqtady.