1976 jyldyń 20 naýryzynda Anglııa chempıonatynda ótken «Lester Sıtı» men «Aston Vılla» oıyny 2:2 esebimen aıaqtaldy. Alańdaǵy barlyq tórt goldy bir oıynshy soqty.
«Aston Vıllanyń» qorǵaýshysy Krıs Nıkoll eki márte qarsylas qaqpasyn dál kózdese, eki ret óz qaqpasyna gol soǵyp aldy. Fýtbolda avtogoldyń ózi sırek kezdesedi. Nıkoll bir matchta eki avtogol men eki goldy qatar soǵyp, erekshe rekord ornatty. Oıynshy áýeli óz qaqpasyna soǵyp, keıin esepti teńestirdi, sosyn qaıtadan avtogol soqty. Sońynda bárin ózi túzep, qaıtadan teń nátıjege jetkizdi. Sóıtip, tabloda 2:2 esebi tursa da, matchtyń naǵyz keıipkeri jalǵyz oıynshy boldy. Bul oqıǵa fýtboldyń tosyn ári ǵajaıyp sátteriniń biri retinde tarıhta qaldy.