World Boxing-tiń uıytqy bolýymen bokstan Lıverpýlde ótip jatqan álem chempıonatynda 54 kelide Qazaqstan áıelder quramasynyń múshesi Elına Bazarova jarysty alǵashqy aınalymnan aıaqtady, dep jazady Egemen.kz.
Parıj olımpıadasynyń qatysýshysy Nıgına Ýktamova otandasymyzdy 5: 0 esebimen jeńdi. Jekpe-jek barysynda Ýktamovanyń paıdasyna nokdaýn da tirkeldi.
Sonymen qatar jarystyń alǵashqy kúni sharshy alańǵa shyqqan Saǵyndyq Toǵambaı anglııalyq Isaak Okodan basym tústi. Tartysty ótken básekede 3: 2 esebi tirkelip, otandasymyzdyń qoly kóterildi. 90 kelide el namysyn qorǵaıtyn Saǵyndyq Toǵambaı kelesi jekpe-jegin 8 qyrkúıek kúni Irlandııa ókili Djek Marleıge qarsy ótkizedi.