YouTube vıdeohostıngi Qazaqstan men Reseı aýmaǵynda isten shyǵyp, mıllıondaǵan qoldanýshyny ábigerge saldy, dep habarlaıdy Egemen.kz.
Downradar saıtynyń derekterine qaraǵanda, eń kóp shaǵym elorda ýaqytymen saǵat 15:00-de tirkelgen. Eń belsendi Astana, Almaty, Petropavl, Máskeý men Sankt-Peterbýrg turǵyndary shaǵym qaldyrǵan. Qazirdiń ózinde YouTube basty betiniń baıaý júktelýi men beınelerdiń uzaq ashylýy jıi kezdesip otyr.
Sonymen qatar habarlanǵandaı, 4 qyrkúıek kúni keshki saǵat 22:17-de de álemniń ár túkpirinen osyndaı aqaýlarǵa baılanysty aryz-shaǵymdar kóbeıgen. 5 qyrkúıektiń ekinshi jartysynda da jaǵdaı qaıtalanǵanymen, biraz báseńdegen.
Áleýmettik jelilerde qoldanýshylar «ınternetke qosylmaǵansyz» degen qate habarlamalardy alǵanyn, al beınelerdiń «sheksiz júktelip» tura beretinin jazyp jatyr. Downdetector derekterine sáıkes, eń kóp másele beıne oınatýǵa, saıttyń jáne qosymshanyń jumys isteýine qatysty tirkelgen.