ASTANA. 18 aqpan. Hakerler 1 mlrd. dollarǵa jýyq qarjyny bankterden urlap alǵan. Bul týraly Kasperskıı zerthanasy málimetine júgingen AmericaRU.com habarlady.
Kasperskıı zerthanasy - kompıýterlerdi vırýstan, spamnan, hakerler shabýylynan jáne basqa da kıber qaýipterden qorǵaý júıesin jasaýǵa mamandanǵan kompanııa.
Hakerler bankter kompıýterlerine tyńshylyq áreketter jasaıtin baǵdarlamalyq qamtamasyz etý júıesin ornatyp qoıǵan. Aqyr sońynda olar bank qyzmetkerleriniń jumys istep otyrǵanyn ımıtasııa jasaý men urlanǵan aqshany ózderi ashyp qoıǵan esepshottarǵa jiberý joldaryn úırenip alǵan.
«Nátıjesinde 100-den astam bank zardap shekti», - dep málimdedi Kasperskıı zerthanasy. Hakerler ár bankten 2,5 mıllıonnan 10 mıllıon dollarǵa deıin urlap alǵan. Aldyn ala esepteý boıynsha, jalpy qarjylyq shyǵyndardyń kólemi 1 mlrd. dollardan da asyp ketýi múmkin.
Biraq Kasperskıı herthanasy naóty qandaı bankterdiń tonalǵanyn aıtqan joq. Olar Qurama Shtattardy qosqanda, álemniń 25 eline ornalasqan kórinedi. Bankterdi urlaý áli jalǵasyp jatyr.
Murat Aıtqoja.