Qostanaıda bótenniń kóligin aıdap ketken er adam ustaldy. О́kinishtisi, ol urlanǵan kólikpen jolda ketip bara jatyp, ózge úsh kólikpen soqtyǵysqan, dep habarlady Egemen.kz.
Qostanaı oblystyq polısııa departamentiniń málimetinshe, aýlalardyń birinde esigi jabylmaǵan jáne kilti ishinde turǵan VAZ 21099 avtokóligin urlap áketken.
«Kólikti aıdap ketken adam rólge ıe bola almaı, úsh mashınamen – BMW, Toyota Alphard jáne Fiat kólikterimen soqtyǵysty. Keıin oqıǵa ornynan qashyp ketken. Polısııa jasaǵyna kúdiktini izdeý týraly jedel tapsyrma berildi.
Kólikti tekserý barysynda odan saýsaq izderi tabyldy. Derekter bazasy arqyly kólikti aıdap áketýge qatysy bar tulǵanyń jeke basy anyqtaldy. Ol – Qostanaı qalasynyń 27 jastaǵy turǵyny bolyp shyqty. Qazirgi tańda kólik quralyn zańsyz ıelený faktisi boıynsha sotqa deıingi tergeý júrgizilip jatyr», – dep habarlady polısııa ókilderi.
Sonymen qatar, jol apatynyń mán-jaıyna quqyqtyq baǵa beriletini jáne zardap shekken kólik ıelerine keltirilgen materıaldyq shyǵyndy óteý máselesi qarastyrylatyny aıtyldy.