Batys Qazaqstan oblysy, Bókeı ordasy aýdany, Jetibaı aýylyndaǵy Jambyl bastaýysh mektebi týraly áleýmettik jelide beınejazba jarııalandy, dep habarlaıdy Egemen.kz.
Elimizde 15 oqýshy oqıtyn mektep barFoto: BeınejazbadanOnda mektepte tek bastaýysh synyp oqýshylary bilim alatyny kórsetilgen, dep jazady inbusiness.kz saıty.
Aýyl turǵyndary mektepti jyl saıyn syrlap, tazalaıtynyn jazǵan. Beınejazbany kórgen jeli qoldanýshylary ártúrli pikir qaldyrǵan.
Osy jaǵdaıǵa baılanysty BQO bilim basqarmasy túsinik berdi. Málimetke sáıkes, Jetibaıdaǵy Jambyl bastaýysh mektebinde 2025-2026 oqý jylynda 15 oqýshy oqıdy, onyń ishinde 1-synypqa 4 bala qabyldanǵan.
Oqý prosesin 6 pedagog qamtamasyz etedi. Mektep ǵımaraty 1984 jyly salynǵan jáne aýdan ortalyǵynan 85, oblys ortalyǵynan 500 shaqyrym qashyqtyqta ornalasqan.
Mektep Starlink júıesi arqyly ınternetke qosylǵan, eki kabınette ınteraktıvti proektor ornatylǵan.
Sonymen qatar, mektepte 8 sandyq beınebaqylaý kamerasy jumys isteıdi. Barlyq oqýshylar tegin ystyq tamaqpen qamtamasyz etilgen. Bıyl mektepke aǵymdaǵy jóndeý júrgizilgen. 2026 jyly mektep aýlasyna órnektas tóseý, al 2028 jyly kúrdeli jóndeý júrgizý josparlanǵan.