Respýblıkalyq elektrondyq densaýlyq saqtaý ortalyǵynyń bazasynda Densaýlyq saqtaý mınıstri Aqmaral Álnazarovanyń tóraǵalyǵymen sıfrlyq transformasııa jónindegi jumys tobynyń otyrysy ótti, dep jazady Egemen.kz.
Otyrysta Respýblıkalyq elektrondyq densaýlyq saqtaý ortalyǵy densaýlyq saqtaý resýrstaryn basqarýdyń jańǵyrtylǵan júıesiniń (RBJ AJ) fýnksıonalyn tanystyrdy. Júıede medısınalyq uıymdardyń, kadrlardyń jáne medısınalyq tehnıkanyń sıfrlyq beıinderi usynyldy, sondaı-aq olardy 2025 jyly odan ári damytý josparlary baıandaldy.
Jańartylǵan júıe resýrstardyń ashyq ári tıimdi esebin qamtamasyz etýmen qatar, densaýlyq saqtaý ınfraqurylymy men kadrlyq áleýettiń damýyn taldaý jáne boljamdaý quraly retinde qoldanylatyn bolady.
Jıyn qorytyndysy boıynsha sıfrlyq beıinderdi dáıekti damytý jáne 2025 jyly júıeniń fýnksıonalyn keńeıtý baǵytynda jumys júrgizý josparlandy.