Prezıdent Qasym-Jomart Toqaev halyqqa Joldaýynda elektrosamokat qozǵalysyn retteýge baǵyttalǵan zańnamalyq ózgeristerdiń kútken nátıje bermegenin aıtty. Memleket basshysynyń sózinshe, qabyldanǵan shekteýlerge qaramastan, jaıaý júrginshiler jolyndaǵy qaýipsizdik máselesi sheshilmeı otyr, dep jazady Egemen.kz.
«Qoǵamda júrgizý mádenıetin qalyptastyrýymyz kerek. Elektrosamokat máselesine nazar aýdarý qajet. Bul taqyryp qoǵamda qyzý talqylanyp jatyr. Eki jyl buryn jaıaý júrginshiler jolynda qozǵalysty shekteýge qatysty zańnamalyq ózgerister engizilgen bolatyn. Alaıda qoǵamdyq oryndardaǵy jaǵdaı ózgergen joq. Azamattar áli de qaýipke tap bolyp otyr», dedi Prezıdent.
Toqaev úkimetke bul máseleni qaıta qaraýdy jáne qoǵamdyq qaýipsizdikti kúsheıtýge baǵyttalǵan tıimdi sharalar ázirleýdi tapsyrdy.