Qazaqstan halqy tilderiniń kúni merekesi Qyzyljarda S.Muqanov atyndaǵy oblystyq ámbebap kitaphanada «Til –halyq qazynasy» atty ádebı-mýzykalyq jıynmen bastaldy, dep jazady Egemen.kz.
Onda Halyqaralyq «Qazaq tili» qoǵamy fılıalynyń tóraǵasy J.Muhamedjanov, UQK Shekara qyzmetiniń ofıseri B.Qańtarov, qazaq tiliniń janashyry, ınformatıka muǵalimi M.Kýznesov, jergilikti aqyn M.Ospanova, tatar-bashqurt etno-mádenı ortalyǵynyń belsendisi, aqyn F.Faızýllına, jáne t.b. sóılep tildiń qasıeti jónindegi oılaryn ortaǵa saldy. Osy jıyn oblystyq kreatıvtik ortalyqtaǵy «TIL FEST» atty festıvalǵa ulasty.
Festıvalda oblystyń ónerli jastary azamattyq birlikti nyǵaıtý jolyndaǵy aımaqtyń mádenı kóptúrliginiń mańyzyn pash etip, kóptegen etnostardyń án-kúılerin oryndap, bılerin kórsetti.
Jıynǵa qatysqandardy til merekesimen oblys ákiminiń orynbasary J.Jumaǵulov quttyqtap, memlekettik til saıasatyn jyljytýda belsendilik kórsetip júrgen bir top azamattarǵa Qurmet gramotalarymen Alǵys hattar tapsyrdy.
PETROPAVL