ASTANA. 23 maýsym. Keshe túnde Armenııanyń astanasy – Erevan qalasynda elektr qýaty baǵasynyń artýyna baılanysty sherýge shyǵýshylardy polısııa qýyp taratty. Bul týraly «Novostı Armenııa» portalyna silteme jasaǵan ras.kz habarlady.
«Quqyq qorǵaýshylar kúsh qoldanylýǵa daıyndyq týraly málimdelgennen keıin birneshe saǵattan soń Erevannyń ortalyǵynda elektr qýaty tarıfynyń ósýine qarsylyq bildirý aksııasyna qatysýshylardy qýyp taratty», – delingen portal habarlamasynda.
Bagramıan dańǵylyn tazartar aldynda qala polısııasy bastyǵynyń orynbasary Valerıı Osıpıan sherýshilerden 10 mınýttyń ishinde óz erikterimen tarap, Azattyq alańyna oralýdy talap etti. Ol el baıtaǵynyń ortalyq kóshelerindegi qozǵalysty qalpyna keltirý qajet ekenin aıtyp túsindirdi.
Osıpıan sondaı-aq, eldiń polısııasy bastyǵynyń prezıdent Serj Sargsıannyń sherýshiler usynatyn bes adamnan turatyn parlamentarıımen kezdesip, jaǵdaıdy talqylaýǵa daıyn ekenin aıtqan málimdemesin jetkizdi.
Habarlanǵandaı, tarıftiń ósýin jedel toqtatýdy talap etken sherýshiler bul kezdesýden bas tartqan.
Munyń aldynda toptaǵylardyń polısııanyń ótinishimen aıqaılaýlaryn qoıǵandary aıtylady.
Aldyn ala esep boıynsha kóshege shyqqandar sany 500 adam shamasynda bolǵan.
Osydan keıin polısııa iske kirisken. Munyń barysynda onyń sý shashatyn quraldardy paıdalanǵany da aıtylyp otyr.
Talǵat Raıymbek.
Derek, sýret: ras.kz.