Áleýmettik jelilerde Balqash qalasyndaǵy mektepterge jarylǵysh zat qoıyldy degen aqparat taraǵanymen, ol jalǵan bolyp shyqty. Bul týraly Qaraǵandy oblysynyń Polısııa departamenti resmı málimdeme jasady, dep habarlaıdy Egemen.kz.
Quzyrly organdardyń dereginshe, qaladaǵy barlyq bilim berý mekemeleri polıseıler tarapynan tolyq tekserilip, eshqandaı kúdikti zat tabylǵan joq.
«Jalǵan málimet taratý faktisi boıynsha qylmystyq is qozǵaldy. Barlyq bilim berý mekemeleri polısııa qyzmetkerlerimen tekserildi — eshqandaı jarylǵysh zat tabylǵan joq», delingen habarlamada.
Polısııa departamenti terrorızm aktisi týraly jalǵan habardyń qatań qylmystyq jaýapkershilikke ákeletinin eskertip, turǵyndardy sabyr saqtaýǵa, arandatýshylarǵa ermeýge jáne tek resmı derekkózderge senýge shaqyrady.