Qasym-Jomart Toqaev Prezıdent Emomalı Rahmondy Tájikstannyń ulttyq merekesi – Táýelsizdik kúnimen quttyqtady, dep habarlaıdy Egemen.kz Aqordanyń baspasóz qyzmetine silteme jasap.
«Elderimiz ǵasyrlardan tamyr tartatyn dástúrli dostyq pen ózara qoldaýǵa, halyqtarymyzdyń túpki múddesine arqa súıep, shyn máninde, strategııalyq seriktes ári odaqtas retinde qarym-qatynas qura aldy. Birlesip ekijaqty, sondaı-aq aımaqtyq, halyqaralyq yntymaqtastyq deńgeıinde qazaq-tájik yqpaldastyǵynyń áleýetin tanyta beretinimizge senimim mol», delingen jedelhatta.
Qasym-Jomart Toqaev Emomalı Rahmonnyń jaýapty qyzmetine tabys, al baýyrlas tájik halqyna baq-bereke tiledi.