2025–2026 oqý jylyna doktorantýraǵa 2 919, magıstratýraǵa 13 554 memlekettik grant bólindi, dep habarlaıdy Egemen.kz QR Ǵylym jáne joǵary bilim mınıstrligine silteme jasap.
Bıyl magıstratýraǵa keshendi testileýge 51 myńnan astam ótinish túsken. Bul ótken jylmen salystyrǵanda 9,5 myńǵa kóp. Testileýge 47 798 talapker qatysyp, olardyń jartysyna jýyǵy – 23 065 adam shekti baldy jınap, bilim alýǵa daıyn ekendikterin dáleldedi.
Ortasha kórsetkishter de artqan – KT-nyń ortasha baly 72,9-dy qurady. Bul qazaqstandyq jastardyń daıyndyq deńgeıi men oqýǵa degen yntasynyń joǵarylaǵanyn kórsetedi.
Memlekettik granttar mynadaı kólemde bólindi:
magıstratýraǵa – 13 554 grant, onyń ishinde ınjenerlik-tehnıkalyq mamandyqtarǵa – 3 338, pedagogıkalyq ǵylymdarǵa – 3 225, aqparattyq-kommýnıkasııalyq tehnologııalarǵa – 1 315, jaratylystaný ǵylymdaryna – 1 268 grant bólindi;
doktorantýraǵa – 2 919 grant, onyń ishinde pedagogıkalyq ǵylymdarǵa – 486, ınjenerlik jáne qurylys mamandyqtaryna – 615, aqparattyq-kommýnıkasııalyq tehnologııalarǵa – 161 grant bólindi.
Bıyl doktorantýraǵa suranys ta aıtarlyqtaı artqan. Qabyldaý synaǵyna 4 307 adam qatysyp, olardyń 3 146-sy ǵylym jolyn jalǵastyrý múmkindigine ıe boldy.
Aıta keteıik, qazir doktorantýraǵa qabyldaý emtıhandaryn ótkizý tolyǵymen joǵary oqý oryndarynyń quzyretine berilgen. Bul ýnıversıtetterdiń akademııalyq erkindigi men derbestigin nyǵaıtatyn mańyzdy qadam sanalady.