О́skemen qalasynda Ulttyq ulannyń «Shyǵys» óńirlik qolbasshylyǵyna qarasty 5518 áskerı bóliminiń áskerı qyzmetshileri polısııa qyzmetkerimen birlesip, travmatıkalyq tapansha alyp júrgen jasóspirimdi ustady, dep habarlaıdy Egemen.kz.
Nazarbaev dańǵyly boıynda áskerı jasaqtyń nazaryna kúdik týdyrǵan jas jigit iligedi. Qujattaryn tekserý barysynda ol turǵyn úılerdiń aýlalaryna qashyp jasyrynbaq boldy. Alaıda áskerı qyzmetshilerdiń jedel qımyly men daıyndyǵynyń arqasynda jasóspirim dereý ustaldy.
«Polısııa qyzmetkerlerimen birge júrgizgen tekserý kezinde onyń sómkesinen tapansha tabyldy. Qashýǵa tyrysqanymen, ol jaýapkershilikten qutyla almady», dedi áskerı jasaqtyń bastyǵy qatardaǵy Aıan Ashatov.
Ustalǵan azamattyń 2008 jyly týǵan jergilikti turǵyn ekeni anyqtaldy. Ol ózimen birge travmatıkalyq qarý alyp júrgenin moıyndady. Jasóspirim tıisti sheshim qabyldaý úshin Ertis polısııa bólimine jetkizildi.