Qazaqstannyń Bas prokýratýrasy Google-daǵy 2,5 mıllıard Gmail qoldanýshynyń derekteri tarap ketkenin habarlady. Osyǵan baılanysty quzyrly organ el azamattaryna Gmail-daǵy qupııasózin ózgertýge keńes berip otyr, dep jazady Egemen.kz.
ShinyHunters hakerlik toby bul áreketin Google qyzmetkerin aldaý arqyly júzege asyryp, Salesforce Data Loader qosymshasyn zańsyz paıdalanǵan.
Bul derekterdi qoldana otyryp, qylmyskerler Google atynan qońyraý shalyp, jalǵan habarlamalar taratyp, qoldanýshylardan Gmail parolin qalpyna keltirýdi talap etken. Osylaısha olar kodtarǵa, qupııasózder men akkaýnttarǵa qoljetkizgen.
Bas prokýratýra alaıaqtyqtardyń aldyn alyp, qaýipsizdik úshin mynadaı sharalardy oryndaýdy usynyp otyr: 1. Qarapaıym, qaıtalanatyn qupııasózdi birden aýystyrý;2. Eki faktorly aýtentıfıkasııany qosý nemese zamanaýı qorǵaý tásilderin (bıometrııa, PIN) paıdalaný;3. Google atynan dep keletin qońyraýlar men hattarǵa senbeý — on shaqty jaǵdaıdyń toǵyzynda bul alaıaqtyq bolyp shyǵady;4. Qoldanbalar men qosylymdardy baqylap, artyq ruqsattardy shekteý.