Ońtústik Koreıanyń Kvandjý qalasynda ótip jatqan sadaq atýdan álem chempıonaty jalǵasyp jatyr, dep habarlaıdy Egemen.kz.
Jekeleı syndarda bloktyq sadaq atý boıynsha saıystar ótken. Qazaqstandyq sportshylardyń ekeýi úzdik ondyq qataryna qosyldy.
Andreı Tıýtıýn men Roksana Iýnýsova jarysty toǵyzynshy orynmen támamdap, 1/8 fınalǵa deıin jetken.
Sonymen qatar, áıelder arasyndaǵy komandalyq jarysta ulttyq qurama qola júldege qol jetkizgen. Bul jetistikti Roksana Iýnýsova, Adel Jeksenbınova jáne Vıktorııa Lıan ıelengen.