Astanada tamyz aıynda jańa turǵyn úılerdiń baǵasy men páter jaldaý quny qymbattady, dep habarlaıdy Egemen.kz.
«Birinshi kredıttik bıýronyń» derekterine sáıkes, sońǵy úsh jarym jylda baǵa 3,9%-ǵa ósken. Bul – 2022 jyldyń naýryzynan bergi eń joǵary aılyq kórsetkish. Sarapshylardyń aıtýynsha, sońǵy on jylda mundaı serpin nebári úsh ret tirkelgen.
Tamyzda jaldaý quny da ósti. Bir aıdyń ishinde jalǵa alý baǵasy 3,1%-ǵa kóterildi. Sarapshylar ótken jylmen salystyra otyryp, dástúrli túrde jańa oqý jyly qarsańynda jaldaý baǵasy kóteriledi dep túsindirdi.
Almatyda jańa páter baǵasy eki aı qatarynan ózgergen joq. Alaıda ekinshi deńgeıli naryqta baǵa 0,6%-ǵa ósken. Sondaı-aq tamyz aıynda jaldaý quny shildemen salystyrǵanda 1,7%-ǵa qymbattap, osy jyldyń eń aıqyn ósimderiniń birine aınaldy. Sarapshylardyń aıtýynsha, mundaı úrdis ótken jyly da baıqalǵan: qyrkúıek qarsańynda jaldaý baǵasy shamamen 1,5%-ǵa kóterilgen.