Aqtaý qalasynyń prokýrory, aǵa ádilet keńesshisi Erbolat Ábdirovtiń ustalǵany týraly aqparat rastaldy, dep habarlaıdy Egemen.kz.
Qadaǵalaýshy organnyń bergen túsiniktemesinde onyń Almaty áýejaıynda mas kúıindegi janjal shyǵarǵany úshin ustalǵany aıtylady.
Bas prokýrordy IIM kóliktegi polısııa departamentiniń áýejaıdaǵy polısııa bóliminiń qyzmetkerleri baıqaǵan.
– Bul derek boıynsha qyzmettik tekseris júrgizilip jatyr. Onyń qorytyndysy boıynsha qyzmetkerge qatysty tıisti sharalar qabyldanady, – dep aqparat taratty Mańǵystaý oblysynyń prokýratýrasy.
E.Ábdirov 1977 jyly dúnıege kelgen, oǵan qatysty QR ÁQBtK-niń 440-baby 1-bóligi ("Alkogoldik ishimdikterdi ishý nemese qoǵamdyq oryndarǵa mas kúıinde kelý") jáne 434-baby 1-bóligi ("Qoǵamdyq oryndarda bylapyt sózder aıtý, azamattarǵa tıisý jáne basqa da qoǵamdyq tártip pen adamdardyń tynyshtyǵyn buzatyn áreketter") boıynsha ákimshilik quqyqbuzýshylyq týraly hattama toltyrylǵany belgili bolyp otyr.