Premer-mınıstr Oljas Bektenovtiń tóraǵalyǵymen Sıfrlyq shtabtyń otyrysy ótti, dep jazady Egemen.kz.
Jıynda Memleket basshysy Qasym-Jomart Toqaevtyń «Jasandy ıntellekt dáýirindegi Qazaqstan: ózekti máseleler jáne ony túbegeıli sıfrlyq ózgerister arqyly sheshý» atty Qazaqstan halqyna Joldaýynda qoıǵan mindetterge nazar aýdaryldy.
«Memleket basshysy sıfrlyq qalypqa kóshý arqyly ekonomıkanyń barlyq salalaryn jańǵyrtý mindetin qoıdy. Sondyqtan JI engizý naqty nátıjege baǵyttalýy tıis», dedi Oljas Bektenov.
Otyrys qorytyndysy boıynsha biryńǵaı ulttyq sıfrlyq júıeni qurýǵa baǵyttalǵan birqatar sheshim qabyldandy.
Memlekettik organdarǵa kelesideı tapsyrmalar berildi:
osy jyldyń 15 qarashasyna deıin densaýlyq saqtaý salasynyń basym baǵyttaryna NQA-ǵa tıisti ózgerister engize otyryp, otandyq startaptardyń sheshimderin engizýdi qamtamasyz etý; osy jyldyń 20 jeltoqsanyna deıin densaýlyq saqtaý salasyndaǵy 7 ártúrli aqparattyq júıeni Qaztech bazasyndaǵy ıntegrasııalanǵan 2 platformaǵa biriktirý; osy jyldyń 1 jeltoqsanynan bastap elektr jáne jylý jelilerin dıagnostıkalaý úshin jasandy ıntellekti tehnologııalaryn engizý; osy jyldyń 20 jeltoqsanyna deıin eldiń otyn-energetıkalyq kesheninde Aqparattyq qaýipsizdiktiń salalyq ortalyǵynyń jumysyn qamtamasyz etý tapsyryldy.Densaýlyq saqtaý salasynda NQA-ǵa ózgerister engizý negizinde JI damıtyn bolady, bul medısınalyq mekemelerge otandyq ınnovasııalyq jobalardy engizýge septik etedi. Máselen, dárigerlerge arnalǵan JI-assıstent, onkologııalyq jáne taǵy da basqa aýrýlardy erte anyqtaý boıynsha fýnksıonal iske qosylmaq. Osy jyldyń sońyna deıin 7 aqparattyq júıe 2-ge biriktirilmek. Osyndaı jumyspen salada jumys istep turǵan barlyq 30 AJ qamtylady. Osylaısha, birin biri qaıtalaıtyn júıeler shoǵyrlandyrylady, bul medısınalyq personaldyń jumysyn jeńildetip, júktemesin azaıtady.
Energetıka salasyna jasandy ıntellekti tehnologııalaryn engizý, elektr jáne jylý jelilerin dıagnostıkalaý úshin drondardy paıdalaný aqaýlardy dál anyqtaı otyryp, obektilerdi qysqa merzimde tolyq tekserýdi qamtamasyz etýge múmkindik beredi. Qalalyq ınfraqurylymdy tekserý úshin qubyrlardyń boıymen qozǵalý úshin qajetti datchıktermen jabyqtalǵan arnaıy qurylǵylardy paıdalaný jáne ınfraqurylymnyń qazirgi jaǵdaıyn ishki jaǵynan tekserý josparlanýda. Bul sharalar monıtorıngke, ýaqtyly den qoıýǵa, aqaýlardyń biryńǵaı bazasyn jáne synı dárejelerge bólingen jóndeý josparlaryn qalyptastyrýǵa baǵyttalǵan. Jasandy ıntellektini engizý eńbek shyǵyndaryn azaıtady, energııamen turaqty jabdyqtaýǵa jáne jylytý maýsymynyń oıdaǵydaı ótýine yqpal etedi.
Aqparattyq qaýipsizdiktiń salalyq ortalyǵyn qurý energetıkalyq júıeniń kıberqaýipsizdik salasyndaǵy sharalaryn kúsheıte túsedi. Ortalyq mamandary salanyń aqparattyq qaýipsizdigin qamtamasyz etý úshin onyń ereksheligin eskere otyryp, energetıkalyq obektilerge qoıylatyn jańa talaptardy ázirleıtin bolady.