Jambyl atyndaǵy Qazaq Memlekettik akademııalyq fılarmonııa solısteriniń 90-shy mereıtoılyq maýsymy ashyldy, dep jazady Egemen.kz.
Fılarmonııanyń úlken zalynda ótken mereıli maýsymda óner ujymynyń jetekshi solısteri óner kórsetip, tyńdarmanǵa umytylmas mýzykalyq áser syılady. Arnaıy baǵdarlamada kópshilik nazaryna vırtýozdy mýzykanttardyń oryndaýyndaǵy álemdik klassıka men dástúrli mýzykanyń jaýharlary usynyldy.О́z tyńdarmandaryn janrlyq alýandyǵymen tańdaı qaqtyrǵan konsertte ujymda kóp jyldan beri tabandy eńbek etip kele jaqan Gúljan О́zenbaeva, Aıda Aıýpova, Gúlnara Qurambaeva, Ermek Qurmanaev syndy Qazaqstannyń eńbek sińirgen qaıratkerleri, mádenıet qaıratkeri Erjan Álimbetov, Ádil Nesipbaev, Maqpal Qazybekqyzy, Musa Kerimbaev syndy mádenıet salasynyń úzdikteri óner kórsetti. Ulttyq jáne álemdik klassıkanyń úılesimimen erekshelengen keshte qazaqtyń halyq áni «Aqbaqaı», Úkili Ybyraıdyń «Gákkýinen» bastap áıgili Bahtyń organǵa arnalǵan «Tokkata jáne fýga re mınor» syndy týyndylary oryndaldy.
Aıta ketý kerek, tarıh tolqynynda talaı mádenı oqıǵalarǵa kýá bolǵan fılarmonııa úshin dástúrli óner men otandyq kompozıtorlardyń eńbekterin keńinen nasıhattaý – basty qaǵıda sanalady. Bul rette ujym toqsan jyl boıy osy baǵyttan taımaı, óner bıigin baǵyndyryp keledi. Fılarmonııa solısteriniń búgingi maýsymashar konserti osy úrdiske aıqyn dálel boldy.