Qyzylorda oblysy Jańaqorǵan aýdanynda 1847 jumysshynyń jalaqysy ýaqytyly tólenbegen, dep habarlaıdy Egemen.kz.
Aýdandyq prokýratýra kásipkerler tarapynan túsken shaǵymdar boıynsha taldaý júrgizgen. Nátıjesinde aýdandaǵy 81 jeke menshik balabaqshanyń jumyskerlerine eńbekaqy ýaqytyly berilmeı kelgeni anyqtalǵan.
Bul jaǵdaı 1847 adamnyń aılyq jalaqysyn keshiktirýge ákelgen. Azamattardyń konstıtýsııalyq quqyqtarynyń buzylýyna baılanysty aýdandyq prokýratýra qadaǵalaý aktisin engizip, zańǵa qaıshy áreketterdiń aldyn alǵan.
Qorytyndysynda jalpy somasy 720 mıllıon teńgeden astam qarajat óndirilip, jumysshylarǵa berilgen.