Ilon Mask negizin qalaǵan Neuralink kompanııasy álem boıynsha 12 adamǵa mı chıpteri ornatylǵanyn jarııalady, dep habarlaıdy Egemen.kz.
Neuralink málimetinshe, synaqqa qatysýshylardyń ımplanttardy paıdalaný uzaqtyǵy jıyntyǵynda 2000 kúnnen jáne 15 000 saǵattan asyp ketken. Kompanııa óz habarlamasynda barlyq qatysýshylarymyzben birge neıroınterfeısterdiń jańa múmkindikterin zertteýdi jalǵastyrýǵa qýanyshty ekenderin atap ótken.
Sonymen qatar qatysýshylar sanynyń akúrt óskeni atap ótilgen. Máselen, maýsym aıynda bar-joǵy jeti naýqastyń ǵana chıp ıelengeni jarııalanǵan edi. Neuralink-tiń adamǵa alǵash ret mı ımplantatyn ornatqany týraly derek 2024 jyldyń qańtarynda belgili bolǵan.
Sondaı-aq, bıylǵy shilde aıynda Neuralink óz mı ınterfeısteriniń áleýetin zertteýge baǵyttalǵan keń aýqymdy ǵylymı jumys bastaǵan. Bul zertteýge Ulybrıtanııanyń London ýnıversıtettik kolledji men Nıýkasl aýrýhanasynyń ǵalymdary qatysyp jatyr.