2025 jyldyń alǵashqy alty aıynda Almatyǵa 1 mıllıon 140 myńnan astam týrıst kelgen. Bul kórsetkish ótken jyldyń sáıkes kezińimen salystyrǵanda 6,5 paıyzǵa joǵary, dep habarlaıdy Egemen.kz.
Kelgenderdiń 816,5 myńy – eldiń ózge óńirlerinen kelgen saıahatshylar bolsa, 323,5 myńy – sheteldik meımandar.
Qala ákimdi Almatyǵa eń kóp kelgen sheteldikter qatarynda qytaılyqtar kósh bastap turǵanyn atap ótti. Bıylǵy jarty jyl ishinde 54,1 myń Qytaı azamaty qalaǵa aıaldaǵan, bul byltyrǵydan 33,4 paıyzǵa kóp. Odan keıingi orynda Úndistannan kelgen týrıster (56,2 myń adam). Sonymen birge alǵashqy jetilikke Túrkııa (17,9 myń), Koreıa Respýblıkasy (9,7 myń), AQSh (9,6 myń), BAÁ (6,7 myń) jáne Germanııa (6,5 myń) endi.
«Halyqaralyq týrıster sanynyń artýyna týrıstik ınfraqurylymdy damytý men qala qonaqtaryna arnalǵan zamanaýı servısterdi engizý yqpal etti. Qalalyq týrızm basqarmasynyń málimetinshe, Almaty demalys pen iskerlik týrızm úshin tartymdy baǵyt retinde pozısııasyn nyǵaıtyp, týrıstik lektiń aýqymyn keńeıtip, kelýshilerge jaıly jaǵdaı jasap otyr», delingen habarlamada.
Esterińizge sala keteıik, 2025 jyly Almaty CNN-niń «úzdik týrıstik baǵyttar» tiziminen oryn alyp, Booking.com derekteri boıynsha da jyldyń trendtik qalalarynyń birine aınalǵan edi.