Búgin Aqtaýda «Zań men tártip – qoǵamnyń tutastyǵy: Quqyqtyq saýattylyqtaǵy ÚEU-dyń róli» taqyrybynda XII Azamattyq forým uıymdastyryldy. Is-sharaǵa Mańǵystaý oblysynyń ákimi Nurdáýlet Qılybaı, QR Mádenıet jáne aqparat mınıstrliginiń Azamattyq qoǵam isteri komıteti tóraǵasynyń orynbasary Janargúl Áljanova, Qazaqstannyń Azamattyq alıansy prezıdenti Baný Nurǵazıeva, respýblıkalyq jáne óńirlik ÚEU ókilderi, máslıhat depýtattary men qoǵam qaıratkerleri qatysty, dep habarlaıdy Egemen.kz.
Forýmda azamattyq qoǵamnyń quqyqtyq mádenıetti qalyptastyrýdaǵy, qoǵamdyq tártip pen zań ústemdigin qamtamasyz etýdegi róli talqylandy.
Baǵdarlama aıasynda sheberlik sabaqtary, pikirtalas alańdary jáne áleýmettik jobalardyń kórmesi ótkizilgen. Kezdesý barysynda quqyqtyq saýattylyqty arttyrý, azamattardyń eńbek quqyqtaryn qorǵaý jáne qoǵamdaǵy quqyqtyq mádenıetti damytý máseleleri qaraldy.
Oblys ákimi Nurdáýlet Qılybaı azamattyq qoǵam ınstıtýttarynyń óńir damýyna qosqan úlesin atap ótip, Prezıdent Qasym-Jomart Toqaevtyń saıasatyn iske asyrýdyń mańyzdylyǵyn aıtty.
«Prezıdent Qasym-Jomart Toqaev azamattyq qoǵam ınstıtýttarynyń rólin kúsheıtý qajettigin atap ótti. Qazirgi tańda úkimettik emes uıymdar qoǵam ómiriniń barlyq mańyzdy salasyn qamtyp, áleýmettik jobalardy júzege asyrý arqyly ózekti máselelerdiń sheshimine yqpal etip keledi. Aýyl men qalany teńestirý kerek degen máseleni Memleket basshysy Qasym-Jomart Toqaev árdaıym aıtyp keledi. Sony oryndaý paryz. Qazir qarap otyrsaq, Qazaqstan álemdik arenada úlken bedeli bar memleketke aınalyp kele jatyr. Bizdiń maqsatymyz – Memleket basshysynyń saıasatyn qoldap, ony iske asyrý», dedi Nurdáýlet Qılybaı.
Forým qorytyndysynda úzdik jobalar men belsendi azamattar arnaıy marapattarǵa ıe boldy. Sonymen qatar, quqyqtyq bilimdi arttyrý boıynsha jańa bastamalardy qoldaý usynystary ázirlendi.