13–14 qyrkúıekte Indonezııa astanasy Djakartada jastar arasyndaǵy Azııa chempıonaty ótedi. Jarysta elimizdiń namysyn 18 balýan qorǵaıdy.
Erler básekesinde Dármen Esengeldi (60 kg), Qaırat Jeńiculy (60 kg), Álı Bolat (66 kg), Erasyl Erjanov (66 kg), Ernar Keńesqan (73 kg), Saparǵalı Salhan (81 kg), Egor Rakov (90 kg), Erasyl Nurtaza (100 kg), Beıbarys Sultan (100 kg) kúsh synassa, qyzdar arasyndaǵy saıysqa Ińkár Quralbaı (48 kg), Sara Shuǵaeva (52 kg), Gúlhan Shyńǵyshan (52 kg), Karına Qarakenova (57 kg), Damelıa Asylhanova (63 kg), Shynar Bitimbaı (70 kg), Saltanat Ahmetova (78 kg), Kórkem Baqytbek (78 kg), Tomırıs Erǵalı (78 kg) qatysady.
Byltyr Dýshanbede ótken dúnıejúzilik dodada elimizdiń jastar quramasy qos qola medal jeńip aldy. Tájikstan astanasynda Talǵat Orynbasar (60 kg) men Azat Kúmisbaıdyń (81 kg) qanjyǵasy maılandy. Bıyl Bolgarııanyń bas qalasy Sofııada jalaýy jelbiregen jasóspirimder arasyndaǵy jarysta jerlesterimiz bes júlde oljalady. Atap aıtsaq, Ernur Batyrǵalı (60 kg) – altyn, Muhammedálı Jylqaıdar (66 kg) – kúmis, Arman Mysa (50 kg), Rolan Qaıyrǵalı (66 kg), Ádiljan Jaýdınov (+90 kg) qolany qorjynǵa saldy. Dzıýdoshylarymyz Djakartada joǵaryda kórsetilgen nátıjelerdi jaqsartady dep úmittenemiz.