Qaraǵandy oblysy polısııa departamentiniń qyzmetkerleri respýblıkalyq mańyzy bar avtojoldarda reıd ótkizip, júrgizýshilermen profılaktıkalyq áńgime júrgizdi. Shara barysynda uzaq jolda sharshaǵan ári uıqyly júrgizýshiler erekshe baqylaýǵa alyndy, dep jazady Egemen.kz.
Patrýldik polısııa batalonynyń komandıri Medet Nurmuhanovtyń aıtýynsha, mundaı júrgizýshiler májbúrli túrde toqtatylyp, demalyp alýyna jaǵdaı jasalady.
— Sondyqtan da sharshaǵan, uıqyly júrgizýshilerdi ýaqytyly toqtatý — adam ómirin saqtap qalýǵa yqpal etetin basty sharalardyń biri, — dedi ol.
Statıstıkalyq málimetterge sáıkes, jyl basynan beri oblysta 482 jol-kólik oqıǵasy tirkelip, 96 adam qaza tapqan. Onyń ishinde 50-den astamy júrgizýshilerdiń uıyqtap ketýinen bolǵan.
Reıd barysynda Qaraǵandy — Balqash baǵytynda 15 kólik toqtatylyp, júrgizýshilerdiń ári qaraı jolǵa shyǵýyna ýaqytsha shekteý qoıyldy.
— Qazaqstanda bizdi polısııa qyzmetkerleri toqtatyp, sharshasaq demalýymyzdy ótindi. Bul óte durys. О́ıtkeni kóptegen jol-kólik oqıǵasyn kórip júrmiz. Polısııa tún ishinde bizdiń qaýipsizdigimizdi oılap, jolǵa shyqpaýdy surap jatyr. Polısııanyń baryna raqmet, — dedi О́zbekstan azamaty Ahrorbek Kambarov.
Qaraǵandy oblysy polısııa departamenti bastyǵynyń orynbasary Jasqaırat Qaıyrovtyń aıtýynsha, endi júrgizýshilerdiń qaýipsizdigin qamtamasyz etý úshin jańa júıe engizilmek.
— Júrgizýshilerdiń qaýipsizdigin qamtamasyz etý maqsatynda biz oblys prokýratýrasymen birlesip, jańa júıeni engizbekpiz. Iаǵnı 8 saǵattan artyq jol júrgen júrgizýshiler týraly aqparat avtomatty túrde polısııa qyzmetkerleriniń planshetterine túsedi. Ýaqytynan artyq júrgen jaǵdaıda, biz olardy toqtatyp, ári qaraı demalǵanǵa deıin jolǵa shyǵarmaımyz. Qaraǵandy toǵyz joldyń toraby bolǵandyqtan, kólikter kóbine tún ortasy nemese tańǵy ýaqytta keledi. Dál osy mezgilde uıyqtap ketý qaýpi joǵary bolady. Eger júıe tolyq iske qosylsa, jol-kólik oqıǵalarynyń edáýir azaıatynyna senemiz, — dedi ol.
Polısııa júrgizýshilerdi uzaq jolda mindetti túrde demalýǵa, jol erejelerin qatań saqtaýǵa jáne óz ómiri men jolaýshylardyń qaýipsizdigine jaýapkershilikpen qaraýǵa shaqyrady.