Qala boıynsha 6331 jer úı ornalasqan. Olardyń jartysynan astamy qazirdiń ózinde ortalyq jylýǵa qosylyp úlgergen, dep habarlaıdy Egemen.kz.
Ekibastuz qalasynda bıyl ortalyqtandyrylǵan jylýǵa qosý 10 qyrkúıekten júrgizilýde. Nysandarǵa jylý berý kezeń-kezeńimen júzege asyp jatyr. Barlyq úıler men mekemeler tolyq qosylyp bolǵan soń ǵana jylý parametrleri kóteriledi.
- Bekitilgen josparǵa sáıkes, jylý berý maýsymyn bastadyq. 10 qyrkúıekten áleýmettik nysandarǵa jylý berilip jatyr. 15 qyrkúıekten jer úıler jylýmen qamtamasyz etiledi. Al 20 qyrkúıekten kópqabatty turǵyn úılerge jylý jiberemiz, - dep habarlady qala basshysy Aıan Beısekın.
Kenshiler qalasynda 6331 jer úı bar. Búginde sonyń 3400-ine jylý berilgen. Al áleýmettik mekemelerden tek 5 nysan ǵana qosylmaǵan.
Pavlodar oblysy