Qaıǵyly oqıǵa búgin tańerteń № 47 orta mektepte bolǵan. Aldyn ala málimet boıynsha, 2011 jyly týǵan jasóspirim mektep dárethanasynda synyptasymen tóbelesip, jaraqat alǵan. Basqa oqýshylar ony úıine alyp ketken, biraq ol jedel járdem kelgenshe qaıtys bolǵan, dep habarlaıdy Egemen.kz.
Oblystyq polısııa departamentiniń habarlaýynsha, jedel izdestirý sharalary barysynda kúdikti jasóspirim anyqtalyp, ýaqytsha ustaý ızolıatoryna qamalǵan.
«Bul oqıǵa boıynsha QR Qylmystyq kodeksiniń 106-babynyń 3-bóligi boıynsha sotqa deıingi tergeý bastaldy. Qazirgi ýaqytta tolyq, obektıvti jáne jan-jaqty tergeýge baǵyttalǵan barlyq qajetti jedel-izdestirý sharalary júrgizilip jatyr», delingen habarlamada.