19 qyrkúıek 19: 00-de Astana qalasy ákimdiginiń Mýzykalyq jas kórermen teatrynda «Shákárim» qoıylymynyń premerasy ótedi, dep jazady Egemen.kz.
Ermek Amanshaevtyń «Shákárim» mýzykalyq dramasy – qazaqtyń uly oıshyly, aqyny jáne kompozıtory Shákárim Qudaıberdiulynyń ómiri men shyǵarmashylyq murasyn arqaý etedi.
Mýzykalyq dramada Shákárimniń aqtańdaq kezeńderdi bastan ótkergen taǵdyry, rýhanı izdenisteri, ádilet pen mahabbatqa degen kózqarasy, sondaı-aq ómirindegi dramalyq oqıǵalar sýrettelgen.
Qoıylym birneshe sahnalyq kórinisterden turady. Shákárim men onyń qorshaǵan ortasyndaǵy keıipkerlerdiń bolmysy keńinen ashylady.
Ásirese, Abaı Qunanbaıuly men Shákárimniń rýhanı baılanysy, Abaıdyń aǵalyq qamqorlyǵy jáne Shákárimniń onyń izin jalǵastyrý jolyndaǵy azamattyq ustanymdary erekshe mánge ıe.
Shákárim Qudaıberdiulynyń beınesin «Daryn» memlekettik jastar syılyǵynyń laýreaty Aıan О́tepbergen jáne Qazybek Esqara somdaıdy.
«Shákárim» mýzykalyq dramasy 20,21 qyrkúıek kúnderi saǵat 18:00-de de sahnalanady.
Aıta keteıik, shyǵarmanyń sahnalyq nusqasyn jasaǵan jáne qoıýshy-rejısseri – Qazaqstannyń eńbek sińirgen qaıratkeri Ashat Maemırov.