Mańǵystaý oblysynyń delegasııasy Birikken Arab Ámirlikteriniń astanasy Ábý-Dabıge Joǵary mártebeli sheıh Sýrýr ben Muhammed Ál Nahaıannyń shaqyrýymen issaparmen bardy, dep jazady Egemen.kz.
Mańǵystaý oblysy ákimdiginiń habarlaýynsha, kezdesý barysynda týrızm, kólik jáne logıstıka, munaıdy tereń óńdeý jáne ózge de perspektıvaly salalarǵa ınvestısııa tartý máseleleri talqylanǵan. Taraptar atalǵan baǵyttar boıynsha yntymaqtastyq ornatý jóninde ózara túsinistikke qol jetkizgen.
Sonymen qatar Joǵary mártebeli sheıh Sýrýr ben Muhammed Ál Nahaıan aldaǵy ýaqytta Mańǵystaý oblysyna arnaıy saparmen kelýdi josparlap otyrǵanyn málimdedi.
Aıta keteıik, Memleket basshysy Qasym-Jomart Toqaev halyqqa arnaǵan «Jasandy ıntellekt dáýirindegi Qazaqstan: ózekti máseleler jáne ony túbegeıli sıfrlyq ózgerister arqyly sheshý» atty Joldaýynda oblys ákimderine óńirlerge ınvestısııa tartý jumystaryn jandandyrýdy tapsyrǵan bolatyn. Osyǵan oraı, Mańǵystaý oblysynyń ákimdigi berilgen tapsyrmalardy júzege asyrý baǵytynda alǵashqy qadamdaryn bastap ketti.