2025 jylǵy 1 tamyzdaǵy jaǵdaı boıynsha Qazaqstanda zeınetkerlik jasqa jetken azamattarǵa BJZQ-dan tólenetin ortasha aılyq tólem nebári 35,7 myń teńgeni quraıdy, dep habarlaıdy Egemen.kz.
BJZQ málimetinshe, zeınetaqy tólemderiniń eń joǵary somasyna shekteý qoıylmaǵan jáne keıbir azamattarda ol 900 myń teńgeden asady.
2025 jylǵy 1 qyrkúıektegi jaǵdaı boıynsha Qazaqstandaǵy eń joǵary zeınetaqy tólemderiniń top-5 kórsetkishi mynadaı:
993 041 teńge; 818 818 teńge; 635 236 teńge; 565 857 teńge; 560 437 teńge.Aıta keteıik, zeınetaqy tólemderiniń mólsheri salymshynyń tabys deńgeıine, jarnalardy ýaqtyly ári tolyq aýdarýyna, sondaı-aq qosymsha erikti jarnalardyń bolýyna baılanysty.
Qor dereginshe, bıylǵy aqpan aıynda eń joǵary zeınetaqy tólemi 993 040 teńgeni quraǵan, bul qyrkúıektegi kórsetkishten bar bolǵany 1 teńgege az. Al ortasha tólem kólemi jyl basynan beri turaqty deńgeıde qalyp otyr: qańtarda – 35,5 myń teńge, tamyzda – 35,7 myń teńge.