Mysyr týrızm jáne ejelgi tarıh mınıstrligi 3 myń jyl burynǵy altyn bileziktiń qoldy bolǵanyn habarlady. Jádiger perǵaýyn Amenemop dáýirine tıesili, dep jazady Egemen.kz.
Bilezik Kaırdegi Egıpet murajaıynyń jóndeý zerthanasynan joǵalyp ketken. Lazýrıt ornatylǵan kóne áshekeıdiń sýreti áýejaılar men shekara beketterine taratyldy. Bılik qundy muranyń shetelge ketip qalýynan alańdaýly.
Baspasózge súıensek, bilezik Rımde ótetin kórmege daıyndyq kezinde urlanǵan bolýy múmkin. Qazir isti prokýratýra qarap jatyr.
Egıpetke ejelgi jádigerlerdi kórýge týrıster aǵylýda. 2025 jyly elge 18 mln qonaq keledi dep kútilýde. Al bıyl qarashada Gıza pıramıdalary mańynda quny 1 mlrd dollarlyq kórme ashylady.