ASTANA. 23 maýsym. Kanadada fýtboldan áıelder arasyndaǵy álem chempıonaty ótýde. Ázirge shırek fınalǵa shyqqan 7 qurama belgili boldy. Al segizinshi komanda erteń anyqtalady. Bul týraly egemen.kz habarlady.
Chempıonattyń 1/8 fınalynda Qytaı Kamerýn quramasyn 1:0 esebimen jeńdi. Dál sondaı eseppen Avstralııa Brazılııadan jáne Kanada Shveısarııadan basym tústi. Al AQSh pen Kolýmbııa arasyndaǵy oıyn soltústikamerıkalyqtardyń paıdasyna 2:0 esebimen aıaqtaldy. Odan bólek, Germanııa Shvesııany (4:1), Fransııa Ońtústik Koreıany (3:0) jáne Anglııa Norvegııany (2:1) jarys jolynan shyǵardy.
Nátıjesinde dop dodasynyń shırek fınalynda Qytaı AQSh-pen, Germanııa Fransııamen jáne Anglııa Kanadamen kezdesetin boldy. Al 1/8 fınaldaǵy sońǵy oıyn – Japonııa men Nıderlandy arasyndaǵy kezdesýdiń jeńimpazy Avstralııamen kúsh synasady.
Japonııa – toptyq kezeńdegi barlyq oıynynda jeńiske jetken eki quramanyń biri. Mundaı kórsetkishpen Brazılııa qyzdary da maqtana alady. Alaıda, olar 1/8 fınalda dál osy Avstralııaǵa ese jibergenin joǵaryda aıttyq. Mamandar kún shyǵys eliniń qyzdary nıderlandylyqtardy jeńetinine senimdi. Onyń ústine, qyzǵaldaqty eldiń ókilderi óz tobynda 3-oryn alyp, pleı-off satysyna jıǵan upaı sanyna baılanysty shyqty. Odan bólek, Japonııa qazirgi álem chempıondary ekenin aıta ketken jón.
Shırek fınaldyq oıyndar 27 maýsymda bastalady.
Aıta keteıik, áıelder arasyndaǵy álem chempıonaty 6 maýsymda bastalǵan bolatyn. Jarysqa 24 eldiń quramalary qatysty. Fınaldyq oıyn 5 shildege josparlanǵan.
Elaman Qońyr.
Derek: egemen.kz.
Sýret: fifa.com.